domingo, 11 de diciembre de 2016
"O dragón que cambiaba de conto cada vez que esbirraba", de Miguelanxo Prado e David Aceituno
Dedicamos a sesión de decembro a un libro ilustrado por Miguelanxo Prado , con textos de David Aceituno e editado polo Patito Editorial.
"O dragón sentiu un formigo no fociño, pechou as palpebras, colleu aire coma se fose a sobrar as candeas dunha torta de aniversario e... ACHÍSSSS! E tan forte foi o seu esbirro que o dragon espeluxou a princesa, arrincou os pétalos da flor, tropezou co cabaleiro e, dando un gran pinchacarneiro... saíu daquel libro aberto sen dicir nin abur."
Ao noso dragón protagonista ocórrelle algo asombroso: cada vez que estornuda cambia de conto. De estornudo en estornudo iremos visitando a personaxes de contos que todos coñecemos... aínda que non da forma que os coñecemos
Aproveitaremos esta lectura para xogar cos contos clásicos. Para iso volveremos utilizar a nosa "caixa magica", coa que xa se divertiron outras veces!
Esperamos vervos a todos na nosa próxima sesion!
Ata entón ...felices lecturas!
martes, 29 de noviembre de 2016
Novembro: Construíndo palabras
A sesión de novembro dedicámola a "A gran fábrica de palabras", un álbum de Agnès de Lestrade, ilustrado por Valeria Docampo e editado por Editorial Tramuntana, que nos fala dun lugar moi especial, da maxia das palabras.. e nos conta unha bela historia de amor.
Os nenos tentaron imaxinar como llas apañarían se non puidesen usar as palabras, e xurdiron moitas ideas e discusións ...es difícil de imaxinar ..verdade?
Despois de xogar co alfabeto e traballar nos seus cadernos, aínda quedou tempo para gozar un intre dos libros seleccionados pola biblioteca de Monte Alto ...grazas mozas!
domingo, 30 de octubre de 2016
"A gran fábrica de palabras", de Agnès de Lestrade e Valeria Docampo
A sesión de novembro dedicámoslla a un álbum de Agnès de Lestrade, ilustrado por Valeria Docampo e editado por Editorial Tramuntana, que nos fala dun lugar moi especial, da maxia das palabras.. e no conta unha bela historia de amor.
Existe un país onde a xente case non fala. Nese estraño país, hai que comprar e tragar as palabras para poder pronuncialas.
Xavier necesita palabras para abrir o seu corazón á fermosa Neves. Pero cales pode elixir?
Porque, para dicir o que quere dicir a Neves, necesítase unha fortuna! Non se pode equivocar...
jueves, 27 de octubre de 2016
OCTUBRE: NENOS QUE COMEN LIBROS
Iniciamos o club de Primeiros lectores cun libro moi divertido, e moi apropiado, sobre un neno que come libros.
Este ano deixamos os carnés, e estreamos club cunhas chapas, que os nenos deseñaron, para que sexan a súa insignia do club. Estas son algunhas delas ...
Por últimos tivemos un intre para poder gozar dos libros que, como sempre, nos presta a bliblioteca de Monte Alto. Moitas grazas!
En breve publicaremos a nosa suxestión de lectura para o mes de novembro. Esperamos vervos alí!
Ata entón ...felices lecturas!
viernes, 7 de octubre de 2016
"o incrible neno comelibros", de Oliver Jeffers
Iniciamos o ano cun libro moi divertido dun autor que nos encanta: "O incrible neno comelibros", de Oliver Jeffers. Un libro editado por Fondo de Cultura Económica
A Henrique encantábanlle os libros. Pero non como a ti e a min. Para nada... a el gustáballe comelos!
Esta é a historia de Henrique, un neno ao que lle encantan os libros, pero non como a calquera neno poden gustarlle. Un día, mentres tiña nunha man unha paleta e na outra un libro, Henrique, distraídamente, probou o libro. Notou que lle gustaba, e aínda que tiña as súas dúbidas decidiu comer primeiro unha palabra, daquela unha oración e, despois, unha páxina, logo dun par de días comeu un libro enteiro. Inexplicablemente o coñecemento que contiñan os libros chegaba ao cerebro de Henrique, e pensou que con isto en pouco tempo podería ser a persoa máis lista do mundo, pero de súpeto todo empezou a complicarse...
domingo, 25 de septiembre de 2016
Estamos de volta!
Iniciamos xa hai dous anos o noso club de lectura con nenos en educación infantil, para os que aínda quedaba lonxe ler polos seus propios medios.
Pero os nosos nenos crecen, e xa empezan a facer os seus primeiros pasos coa lectura. E con eles crecemos nós.
Ábrese un novo club de lectura, orientado a nenos de primeiro e segundo de primaria...os que están a empezar. E esperamos que sigades acompañándonos nesta nova etapa.
Aos que aínda non nos coñecen, animámosvos a achegarvos ao club de lectura: un lugar onde compartir e gozar dos libros. Se queredes ver que é o que facemos podedes visitar o blogue do Club de Iniciación á lectura AQUI
En breve publicaremos a nosa suxestión de lectura para abrir o ano, coa nosa primeira sesión o terceiro sábado de outubro.
Mentres tanto, convidámosvos a que visitedes as páxinas deste blogue, que é, cando e donde e cómo funciona, onde vos explicamos con detalle en que consiste esta iniciativa e como podedes formar parte dela.
A primeira sesión do club celebrarase o día 15 de outubro, ás 12:30 no Centro cívico Cidade Vella. Esperámosvos!
Ata entón...felices lecturas!
Club Primeiros lectores
Suscribirse a:
Entradas (Atom)